Անցած գիշերվանից հանրապետության ամբողջ տարածքում ժամանակ առ ժամանակ ձյուն է տեղում: Այսօր ևս նույն եղանակը կպահպանվի: Հովիտներում հնարավոր է ձնախառն անձրև: Օդի ջերմաստիճանն անցած գիշեր բարձրացել է 8-10 աստիճանով, ցերեկային ջերմաստիճանն էապես չի փոխվի: Հանրապետության տարածքում տեղումներ կդիտվեն առաջիկա 3 օրերի ընթացքում, առանձին վայրերում հնարավոր է զգալի առատ ձյուն, քամի` 5-10մ/վ, առանձին վայրերում ուժգնացում մինչև 20մ/վրկ, լեռներում և լեռնանցքներում կդիտվի բուք, ավտոճանապարհներին մերկասառույց, ցածր տեսանելիություն` բքի կամ մառախուղի պատճառով: Խորհուրդ է տրվում հնարավորության դեպքում հետաձգել միջքաղաքային ուղևորությունները մի քանի օրով: Այսօր Երևանում ժամանակ առ ժամանակ սպասվում է ձյուն և ձնախառն անձրև, հնարավոր են առատ տեղումներ: Առանձին վայրերում հնարավոր է մերկասառույց, մառախուղ: Օդի ջերմաստիճանը գիշերը 8-10 աստիճան ցուրտ, ցերեկային ժամերին 1 աստիճան ցրտից նույքան տաքություն: