Աշխարհի ամենագեղեցիկ տատիկը հայ է և հայ տատիկներին խորհուրդ է տալիս ապրել կյանքի յուրաքանչյուր օրն ու չմտածել, որ ծերության հետ կյանքն ավարտվում է: Սոֆիայում կայացած Միսիս Տատիկ Տիեզերք մրցույթի հաղթող Լուիզա Աղաջանյանն այսօր հանդիպել է լրագրողների հետ: Նա ունի երեք զավակ և երկու թոռ:Ապրիլին կդառնա 52 տարկեկան: Ապրում է Ալավերդիում, իսկ մրցույթին մասնակցելուն դեմ է եղել միայն որդին: Ամեն ինչ հարթվել է, երբ կազմակերպիչները խոստացել են, որ լողազգեստով ցուցադրություն չի լինելու: Հայ տատիկը 300 մասնակիցներից լավագույնն է ճանաչվել նաև շնորհիվ իր խոհարարական ու բեմական հմտությունների: Նրա պատրաստած հայկական տոլման ու սպասն ուղղակի գերել են ժյուրիի անդամներին, իսկ հայկական տարազով պարը մրցակիցներին առաջ անցնելու ոչ մի շանս չի տվել: