Սերժ Սարգսյանը այսօր ներկա է եղել զինված ուժերի կազմավորման 20-րդ հոբելյանական տարեդարձին նվիրված հանդիսավոր միջոցառմանը: Նախքան համերգային ծրագրի մեկնարկը նախագահը շրջել է մարզահամերգային համալիրի գլխավոր միջանցքում, դիտել բանակի կազմավորման և անցած ուղին ներկայացնող լուսանկարների ցուցադրությունը: Բանակի կազմավորման հոբելյանական տարեդարձին նվիրված միջոցառումը բացվել է ռազմական շքերթով։ Համերգային ծրագրի մեկնարկը տրվել է Զինված Ուժերի օրինակելի ստորաբաժանման և հատուկ զինվորական նվագախմբի ելույթներով: Տոնական համերգին ներկա են եղել Արցախի նախագահը, Ամենայն Հայոց կաթողիկոսը, Հայաստանի երկրորդ նախագահը: