Երևանի քաղաքապետ Տարոն Մարգարյանի և ոստիկանության պետ Վլադիմիր Գասպարյանի համատեղ հրավիրված խորհրդակցության ընթացքում այսօր քննարկվել են տեղական ինքնակառավարման մարմինների ու ոստիկանակության փոխգործակցությանն առնչվող հարցեր: Տարոն Մարգարյանը կարևորել է համատեղ աշխատանքը հասարակական կարգի պահպանման գործում: ԻսկՎլադիմիր Գասպարյանը նշել է, որ ընտրությունների շրջանում օբյեկտիվորեն հասարակական կյանքի որոշակի աշխուժացում է նկատվում, ինչը պարտավորեցնում է ավելի զգոն լինել և անել առավելագույնն այդ ժամանակահատվածում մայրաքաղաքում կայուն հասարակական կարգ ապահովելու համար: