Վարչապետ Սարգսյանն ընդունել է հայ-ռուսական միջկառավարական տնտեսական հանձնաժողովի ռուսաստանյան կողմի համանախագահ, ՌԴ տրանսպորտի նախարար Իգոր Լևիտինին: Զրուցակիցները գոհունակությամբ ընդգծել են երկկողմ առևտրատնտեսական կապերի ուղղությամբ արձանագրված դրական դինամիկան: Հանդիպման արդյունքում Տիգրան Սարգսյանը և Իգոր Լևիտինն ստորագրել են արձանագրություն` մինչ 2020 թվականը երկարաժամկետ տնտեսական համագործակցության հայեցակարգի վերաբերյալ, որը մշակվել է 2011 թ. հուլիսի 8-ին Դոնի Ռոստովում կայացած հայ-ռուսական միջկառավարական տնտեսական հանձնաժողովի 13-րդ նիստի արձանագրության հիման վրա: