ԺԱՌԱՆԳՆԵՐԸ

90-ական թվականներ: Փլուզվել է Սովետական Միությունը, Ղարաբաղում բռնկվել է պատերազմը: Տիրում է քաղաքական, սոցիալական և տնտեսական ճգնաժամ: Այս քաոսային իրավիճակում փորձում են գոյատևել և նոր հասարակարգում հաստատվել  մարդիկ, որ հին հասարակարգի ժառանգներն են:

Միմյանց հաջորդելով փակվում են բոլոր պետական հիմնարկությունները և գործարանները: Ոմանք սեփականաշնորհվել և շարունակում են աշխատել: Այդպիսի ձեռնարկություններից մեկի շուրջ էլ զարգանում է ողջ ֆիլմի սյուժեն: Այս ձեռնարկության գահին հասնելու համար պայքար է սկսվում երկու ընտանիքների միջև: Ադունցների և Շահամյանների հիմնական կռվախնձորը դառնում է շահը և վրեժը:

Ներկայացվելով որպես ռոմանտիկ վեպ' կատակերգական և ոստիկանական տարրերով, ՙԺառանգներ՚-ը մի պատմություն է երկու հակառակորդ ընտանիքների որդու և դստեր' Վահան Ադունցի և Նունե Շահամյանի, խելահեղ սիրո մասին: Նրանց սերը ի սկզբանե դատապարտված է անցնել շատ դժվարությունների միջով: Նրանք ստիպված են դեմ գնալ շրջապատի կարծիքին, ճակատագրի թելադրանքին, ստիպված են  հաղթահարել շատ խոչընդոտներ,  որպեսզի միանան և կառուցեն իրենց սիրո դղյակը:

ԴԻՏԵԼ ՀԵՐԹԱԿԱՆ ՍԵՐԻԱՆ