Երեւանում այսօր վերջին հրաժեշտն են տվել Էմիլ Գաբրիելյանին: Էմիլ Գաբրիելյանն աշխատանքային գործունեության ընթացքում զբաղեցրել է բազմաթիվ պաշտոններ, եղել է Հայաստանի Առողջապահության նախարար, ՀՀ Գիտությունների ազգային ակադեմիայի փոխնախագահ, Հանրային խորհրդի անդամ: Ակադեմիկոս Էմիլ Գաբրիելյանը մեծ ճանաչում է ունեցել հանրապետությունում եւ հանրապետության սահմաններից դուրս: Նա մի շարք ակադեմիաների եւ գիտական խորհուրդների անդամ էր: 1992 թ-ին նրա ջանքերով է ստեղծվել "Դեղերի եւ բժշկական տեխնոլոգիաների փորձագիտական կենտրոնը": Անվանի ակադեմիկոսը մահացել էր Միացյալ Նահանգներում:Հուղարկավորության արարողությանը ներկա են եղել հանրապետության վարչապետը , գործընկերներ, հարազատներ, կառավարության անդամներ: Առողջապահության նախարար, Էմիլ Գաբրիելյանի հուղարկավորության կառավարական հանձնաժողովի նախագահ Հարություն Քուշքյանն ընթերցել է հանրապետության նախագահի ցավակցական ուղերձը: